உயிர் போகிற சொத்தைப் பல் வலியில் இருந்து தப்பிக்க புதிய ஜெல் கண்டுபிடிக்கப்பட்டுள்ளது. இந்த ஜெல் சொத்தைப் பல்லை கீழே விழச் செய்வதுடன், பல் விழுந்த இடத்தில் 4 வாரங்களில் புதிய பல் முளைக்கவும் வகை செய்கிறது.
பாரீசில் உள்ள தேசிய உடல்நலம் மற்றும் மருத்துவ ஆராய்ச்சிக் கழகம் பல் குறித்து நடத்திய ஆராய்ச்சியின் கண்டுபிடிப்பாக இந்த புதிய ஜெல் வெளியாகியுள்ளது. பாலி எல் க்ளூடாமிக் ஆசிட் என்ற ரசாயனக் கலவையுடன் மெலனோசைட்டிஸ் கலந்து இந்த ஜெல் உருவாக்கப்பட்டுள்ளது. சொத்தைப் பல் அல்லது பல் விழுந்த இடங்களில் இந்த ஜெல்லைத் தடவுவதன் மூலம் நல்ல பலன் கிடைக்கும் என்கின்றனர் ஆராய்ச்சி மருத்துவர்கள்.
நான்கு அல்லது ஐந்து ஆண்டுகளில் இந்த ஜெல் உலகம் முழுவதும் கிடைக்க விரைவான நடவடிக்கைகள் மேற்கொள்ளப்பட்டுள்ளது என்பதும் இவர்கள் தரப்புத் தகவல். இடுக்கி போன்ற ஆயுதங்கள் துணையோடு அளிக்கப்படும் சிகிச்சை வலியில் இருந்து விடுதலை பெற இந்த புதிய ஜெல் கைகொடுக்கும் என்று நம்பலாம். வாய் துர்நாற்றம், வாய்ப்புண் போன்றவற்றுக்கும் பிரத்யேக ஜெல் அறிமுகப்படுத்தப்பட உள்ளது கூடுதல் தகவல்.
0 comments:
Post a Comment